Лондонгийн олимпын наадмын рингэнд тулалдах Монголын олимпын шигшээ багийн бүрэлдэхүүн пүрэв гаригт Лондонг зорихоор болжээ. Ширэн бээлийтнүүдийн салхийг хагалж долдугаар сарын 29-нд олимпын наадамд анх удаа хүч сорих гэж буй ОУХМ Б.Түвшинбат 69 кг-д хүч үзнэ. Дэлхийн аваргын мөнгөн медальт Н.Төгсцогт долдугаар сарын 30-нд, Бээжингийн олимпын мөнгөн медальт П.Сэрдамба, дэлхийн аваргын хүрэл медальт У.Мөнх-Эрдэнэ нар 31-нд тус тус тулалдахаар оноолт гарчээ.