Бразилийн ахмад туршлагтай хамгаалагч Хуан багаа солих болсон тухайгаа мэдэгдсэн байна. Тэрээр “АС Рома”-аас явж нутгийнхаа “Интерациональ” багтай гэрээ байгуулсан ажээ. Мөнхийн хотын багт таван жил хүчин зүтгэсэн тэрээр энэ хугацаандаа “ АС Рома”-ийн төлөө зуу гаруй тоглолтонд оролцож 11 гоол оруулсан амжилттай нэгэн. Мөн 2010 онд шигшээ багаасаа зодог тайлах хүртлээ 82 тоглолтонд шар өмсгөлтэй оролцсон байна. 2007 онд тэрээр Байер Леверкузен багаас 5 сая еврогоор Италийн Ромд газардаж байсан түүхтэй.