Мэргэжилийн гольфын жил бүр зохиогддог хамгийн том дөрвөн тэмцээний нэг болох “Нээлттэй аврага” шалгаруулах тэмцээн ирэх пүрэв гаригт эхлэх гэж байна. Энэхүү тэмцээнийг “Британий нээлттэй тэмцээн” гэдэг нэрээрээ теннис сонирхогчид сайн мэдэх бөгөөд алдарт тамирчин Тайгар Вүүдс гурван удаа түрүүлж байжээ. Тэмцээний өмнө тамирчид “Ланкаширийн Рояал Литм” -ийн талбайд бэлтгэлээ хийж байна. Энэ тэмцээнд түрүүлэх хамгийн өндөр магадлалтэй тамирчин болох тэмцээний номер дөрөв Тайгар Вүүдс үзэгчдийн анхаарлыг нилээд татаж байсан юм. Сүүлийн хоёр улиралд бүх тамирчидаас нэг улиралд гурван тэмцэээнд түрүүлсэн анхны тамирчин болсон тэрээр энэ улиралыг орлогоороо болон цуглуулсан оноогоороо тэргүүлж байгаа юм. Мөн өнгөрсөн жилийн аврага Дарин Кларк өөрийгөө түрүүлхэд туйлын хүнд гэдгээ хүлээн зөвшөөрч Вүүдсийг магтсан үг хэлжээ. Тэрээр хэлэхдээ: “Хожигдоно гэдэг гольфод байдаг л нэг зүйлээ, хэрвээ чи Тайгар Вүүдс л биш бол шүү дээ. Түүний тэмцээнд үзүүлдэг амжилтын хувийг нь л харахад сэтгэл хөдлөхгүй байхын аргагүй шүү. Гэхдээ хүн бүрт боломж байгаа гэж би бодож байна” гэжээ. Вүүдс анх 2000 онд энэ тэмцээнд түрүүлж байсан бөгөөд тэрээ 2005 онд дахин түрүүлж дараа жил нь аврагаа хамгаалж байжээ.