Мэргэжлийн сүмо бөхийн долдугаар сарын нагоя башёгийн сүүлийн өдрийн барилдаан өндөрлөж, озэки Харүмафүжи Д.Бямбадорж дээд зиндаанд гурав дахиа түрүүллээ. Өнгөрсөн жилийн энэ үед мөн түрүүлж байсан озэки башёгийн сүүлийн өдрийн барилдаанд их аварга Хакүхо М.Даваажаргалтай учраа тааран барилдаж, ёрикири мэхээр давсан юм. Башёгийн сүүлчийн барилдаан хүртэл Хакүхо, Харүмафүжи нар хоёул ганц ч унаагүй байсан юм. Ингээд өнөөдөр хоёр монгол хүч үзэж озэки Харүмафүжи нутгийн бөх, их аварга Хакүхог давснаар Японы Эзэн хааны цомыг гурав дахь удаагаа гардан авлаа.