Жүдо бөхийн тамирчид өнөөдөр Лондонгийн зуны XXX олимпийн наадамын зүг эх орноосоо мордлоо. Есөн тамирчны бүрэлдэхүүнтэй жүдочид Монголын тамирчдын салхийг хагалж, олимпийн нээлтийн маргааш буюу долдугаар сарын 28-нд эрэгтэйчүүдийн 60 кг-ын жинд ОУХМ Д.Төмөрхүлэг, эмэгтэйчүүдийн 42 кг-д М.Уранцэцэг нар барилдах юм. Жүдогийнхноос хамгийн сүүлд хүнд жингийн бөхчүүд барилдах учир Монголын анхын олимпын аварга, Хөдөлмөрийн баатар, Гавьяат тамирчин Н.Түвшинбаяр мөн ОУХМ П.Лхамдэгд нар наймдугаар сарын 2-нд олимпийн татамид гарна. Тиймээс Н.Түвшинбаяр, П.Лхамдэгд нар 25-нд багийнхныхаа араас явахаар үлдэж байна.