Гонконгт 39 метр секундын хүчтэй хар салхи болж 100 гаруй хүн гэмтэл бэртэл авсан байна. Долдугаар сарын 24-ний шөнө хотын эрх баригчид хамгийн аюултай төвшин буюу 10 баллд хүрлээ гэж мэдэгдсэн бол өнөөдөр өглөөгүүр арай намдаж найман балл орчим болжээ. Хар салхины улмаас өнөөдөр өглөө Гонконгийн хөрөнгийн бирж өглөөний арилжаагаа зогсоож үдээс хойш эхлүүлнэ гэсэн байна. Үүнээс гадна орон нутгийн нисэх буудал 270 гаруй нислэгээ өөрчлөхөд хүрчээ.