Цаг агаарын таагүй байдал, үргэлжилсэн ган зудаас болж мал сүрэг нь идэш бэлчээргүй болсон нь монголчууд хөршүүд рүүгээ довтлох шалтгаан болсон гэж үздэг хүмүүс бий. Гэтэд эрдэмтэд шинэ судалгааныхаа дүнд энэ нь харин ч эсрэгээрээ гэдгийг баталсан байна. Судалгааны багийн гишүүн, эрдэмтэн Эми Хессл LiveScience сайтад өгсөн ярилцлагадаа хэсэг эрдэмтдийг Монголд урьж тухайн бүс нутгийн байгаль цаг уурыг судалсан тухайгаа ярьжээ. Тэд үндсэндээ түймэр хийгээд дэлхий дахины дулаарлын хамаарлыг судалсан байна. Эрдэмтэд  юуны өмнө өнөөдөр яг л “америкийн зэрлэг баруун нутаг”-ийг санагдуулахаар болчихоод байгаа говь нутгийн хөрс, лавын урсцыг судалжээ. Хесслийн хэлж байгаагаар бол энэ хуурай газар нутагт мод ургамал хангалттай урт насалж байсан байна. Тэгээд ч эндээс эртний мод ургамлын үлдэгдэл олжээ. Энэ бүхний эцэст тэртээ ХIII зууны үед цаг агаар их таатай, монгол нутаг ялангуяа говь тал  нь ч гэсэн авч ургамал ихтэй сайхан  байж энэ нь Монголын эзэнт гүрэн байгуулахад сайн нөлөө үзүүлсэн гэж үзэхэд хүрсэн байна. Эрдэмтэд үүнийгээ аян дайн хийхэд монголын морьдод мэдээж их хэмжээний өвс тэжээл хэрэгтэй. Гэтэл цаг агаар муу, морьд нь идэш хоол дутмаг байсан бол чингисийн дайчид тэгэж их амжилтад хүрч чадахгүй байсан гэжээ. Тэгэхээр тухай цаг үеийн цаг агаарын таатай байдал нь Чингис хааны цэрэг дайны амжилтад гарцаагүй нөлөөлсөн гэж үзсэн байна.