Их Британийн Хатан хаант улсад Англи, Шотланд, Хойд Ирланд, Уэльс гэсэн дөрвөн улс багтдаг. Тэд хөлбөмбөгийн уралдаан тэмцээнд тусдаа оролцдог ч энэ удаад Их Британийн тугийн дор нэгдэн оролцох болсон билээ. Их Британийн шигшээ багийн Стюарт Пирс дасгалжуулахаар болсон. Цагтаа шигшээ багт зүтгэж явсан Стюарт Пирс багийнхаа бүрэлдэхүүнд Дэвид Бекхэм, Гарет Бэйл нарыг авалгүй харин Райан Гиггз, Крейг Беллами, Мика Ричардс гурвыг 23-аас дээш насныхан дотроос онцлон сонгосон билээ. Олимпын хөлбөмбөгийн шигшээ багт 23-аас дээш насны гурван хөлбөмбөгч байх журамтай. Ингээд Их Британийн шигшээ багийн бүрэлдэхүүнийг танилцуулж байна.

Хаалгачид: Жек Батлэнд ("Бирмингем"), Жейсон Стил ("Миддлсбро").
Хамгаалагчид: Райан Бертранд ("Челси"), Стивен Колкер ("Тоттенхэм"), Крэйг Доусон ("Вест Бромвич"), Майк Ричардс ("Манчестер Сити"), Дэнни Роуз ("Тоттенхэм"), Нил Тейлор ("Суонси Сити"), Жеймс Томкинс ("Вест Хэм").
Хагас хамгаалагчид: Жо Аллен ("Суонси Сити"), Том Клеверли ("Манчестер Юнайтед"), Жек Корк ("Саутхемптон"), Райан Гиггз ("Манчестер Юнайтед"), Аарон Рэмси ("Арсенал"), Скотт Синклейр ("Суонси Сити").
Довтлогчид: Крейг Беллами ("Ливерпуль"), Марвин Сорделл ("Болтон"), Дэниэл Старриж ("Челси").