Зуны олимпын анхны дуулиан

Маргааш албан ёсны нээлтээ хийх зуны ХХХ олимпын эхний тэмцээн өчигдөр эмэгтэйчүүдийн хөл бөмбөгийн тэмцээнээр эхлэх үеэр наадам зохион байгуулагчид анхны алдаагаа гаргаж эвгүй байдалд оржээ. БНАСАУ-ын баг Колумбын эмэгтэйчүүдтэй тоглохоор талбайд гарах үеэр цэнгэлдэх хүрээлэнгийн дэлгэцэн дэээр Өмнөд Солонгосын далбааг гаргачихсан байна. Тэмцээн  лхагва гарагийн 22.45 цагт Глазко цэнгэлдэх хүрээлэнд эхлэх ёстой байсан ч төрийн далбааг нь андууран гаргасан болохоор умардын бүсгүйчүүд талбайд гарахаас татгалзжээ. Зохион байгуулагчид хувцас солих өрөөнд очиж умард Солонгосын тамирчдаас албан ёсоор уучлал гуйгасны дараа тэмцээн бүр нэг цагийн дараа арай гэж эхэлжээ.