IJF буюу Олон улсын жүдо бөхийн холбооны хуанли ёсоор бол Лондонгийн олимпын дараа дэлхийн шилдэг жүдочид манай улсад цуглах нь ээ. Учир нь,  Дэлхийн цомын цуврал тэмцээн болох “Чингис хаан” олон улсын “А” зэрэглэлийн тэмцээн есдүгээр сарын 8-9-нд Улаанбаатар хотод зохион байгуулагдахаар болжээ. Олимпын эрхийн оноо олгодог энэхүү тэмцээн манай улсад ийн гурав дахь удаагаа зохион байгуулагдах гэж байгаа нь энэ. Лондонгийн олимпын дараа жүдочдын хүч сорих анхны тэмцээн нь “Чингис хаан” олон улсын тэмцээн юм байна.