Туркийн боксын холбооны ерөнхийлөгч Байрам Алтуг Лондон хотын зочид буудлын өрөөндөө нас барсан байхыг нь олсон байна. Тэрээр зуны ХХХ олимпод Олон улсын боксын холбооны шүүгчдийн комиссын гишүүний хувьд боксын тэмцээний шүүгчдэд туслахаар ирээд байсан байна. Урьдчилсан таамгаар зүрхний шигдээс байж магадгүй гэж байгаа ч нас барсан шалтгааныг яг тогтоогоогүй байна. Ирэх долоо хоногт түүний цогцосыг Турк руу илгээх юм байна.