"Лондон-2012" зуны XXX олимпийн наадмын жүдо бөхийн тэмцээний эмэгтэйчүүдийн хамгийн хөнгөн жин болох 48 кг-д зодоглосон ОУХМ М.Уранцэцэг Аргентиний тамирчин Пауло Паретод торгуулийн юүко үнэлгээгээр ялагдлаа.

Эхний тойрогт хийлж, хоёрдугаар тойргийн барилдаанд Казахстаны тамирчин Александра Подрядоваг вазари үнэлгээгээр ялсан тэрбээр хэсгийн аваргын төлөөх барилдаанд Румыны тамирчинд ялагдал хүлээсэн билээ. Бээжингийн олимпийн аварга, дэлхийн аваргын гурван хүрэл медальтай, Европ тивийн есөн удаагийн аварга, шилдэг тамирчин Алина Дюмитрутай цаг сунган барилдаж, цаг өндөрлөхөөс зургаахан секундын өмнө вазари үнэлгээ алдсанаар ялагдал хүлээсэн ч М.Уранцэцэг дагах барилдаанд барилдах боломжтой болсон юм. Харамсалтай нь торгуулийн барилдаанд манай тамирчин хоёр удаа торгуулж, юүко үнэлгээ алдсанаар энэ удаагийн олимпын тэмцээнээ өндөрлөлөө.