“Лондон 2012”  олимпын наадам албан ёсоор эхэлснээс хойш анхны допинг илэрчээ. Албани улсын хүндийн өргөлтийн тамирчин 20 настай Хисен Пулакугаас “Аnabole Steroid Stanozolol” хэмээх сэргээшийн төрлийн зүйл илэрчээ.  Дэлхийн аварга шалгаруулах тэмцээний 77кг-ын жинд зургадугаар байрт шалгарч байсан Албани тамирчин өнгөрсөн даваа гарагт тест нь эерэг гарчээ. Ингээд баасан гарагт “Б” сорьцыг дахин баталгаажуулахаар шинжилгээнд өгөхөд мөн эерэг гарчээ. Ингээд ОУОХ-оос тэмцээнээс нь хасах шийдвэр гаргажээ.