Лондоны олимпод оролцогч дөрвөн тамирчин өнөөдрийн байдлаар допингийн шинжилгээнд бүдэрчээ. Албанийн 20 настай хүндийн өргөлтийн тамирчин Хусен Пулаку араас Туркийн Фатих Байдар, Ибрагим Арат нар хориотой бэлдмэл хэрэглэсэн нь илэрчээ. 29 настай Байдар хүндийн өргөлтийн ЕАШТ-ээс мөнгөн медаль хүртсэн бол 23 настай Арат мөн тэмцээнд шагналт дөрөвдүгээр байр эзэлсэн юм. Хүндийн өргөлтийн гурван тамирчны араас Узбекстаны уран сайхны гимнастикч Луиза Галиулинагийн цуснаас фуросемид илэрсэн тул тэмцээнээ дуусгалаа.