Лондонгийн олимпын наадамд жүдо бөхийн шигшээ багийн есөн тамирчин өрсөлдөхөөр явсан. Тэмцээний эхний өдрүүдэд барилдсан тамирчид жаахан одгүй байж ялагдал хүлээсэн бол өчигдөр эрэгтэйчүүдийн 73 кг-д зодоглосон ОУХМ С.Ням-Очир хүрэл медалийн болзол хангасан билээ. Харин өнөөдөр эмэгтэйчүүдийн 63 кг-д ОУХМ Ц.Мөнхзаяа зодоглож эхний өрсөлдөгчөө цэвэр яллаа. Тодруулбал тэрээр  эхний тойрогт Палау улсын тамирчин Женнифер Энсонтой барилдаж түүнийг илт давуу өвдөг шороодуулсан юм. Түүний дараагийн учраа  Финляндын Йоханна Илинен юм.