Олимпийн тосгонд байрлаж буй Монголын багт нэг багшийн олон шавь буй нь тодорхой. Харин манай багийн хамгийн залуу гишүүн Н.Төгсцогтыг жүдогоор хичээллэж байсныг тэр бүр хүмүүс мэдэхгүй. Тэрбээр багадаа жүдо бөхөөр улсын начин Ц.Шийрэв багшийн дугуйланд явдаг байсан бөгөөд жүдогийн Д.Төмөрхүлэгтэй “жинжав” байжээ. Н.Төгсцогт бүр өсвөрийн улсын аварга шалгаруулах тэмцээнд 32 кг-ийн жинд медаль хүртэж байсан гэнэ шүү. Сонирхуулахад олимпийн аварга, Хөдөлмөрийн баатар Э.Бадар-Ууган Н.Төгсцогт нар адилхан Шархадны 79-р сургуулийг төгсөж байсан, бүр нэг кабинетэд ээлжилж ордог сурагчид, ах дүү нар юм.