Лондонгийн олимпын наадам зургаа дахь өдрөө үргэлжилж байна. Өнөөдөр манай гурван тамирчин олимпын наадамд өрсөлдөх бөгөөд хамгийн түрүүнд  Бээжингийн олимпын аварга, Монгол Улсын хөдөлмөрийн баатар, гавьяат тамирчин Н.Түвшинбаяр татамид гарахаар болсон байна. Түүний эхний өрсөлдөгч бөх нь Тайландын Теерават Хомклин юм. Энэхүү барилдаанд ялсан тохиолдолд Францын шилдэг жүдочдын нэг Тьерри Фабре, Египетийн Рамадан Дарвиш нарын ялсантай нь барилдах юм. Түүний жинд 30 жүдоч өрсөлдөж манай бөхийн хувьд дэлхийд чансаагаар дөрөвт эрэмлэгдсэн эрэмбээр сугалаанд оролцсон билээ.