Лондонд ирсэн жуулчид олимпын эхний долоо хоногт виза картаараа 700 сая ам.доллар авсан дүн гарлаа гэж Visa Inc компанийн хэвлэлийн төлөөлөгч мэдэгджээ. “Хамгийн их зарлага гаргаж байгаа нь америкийн иргэд, дараа нь Япон, Франц, Итали, Австралийн иргэд байна. Энэ таван орны иргэд нийт зарлагын 36 хувийг гаргасан байна” гэж мэдээлэлд дурджээ. Дүнгээр нь авч үзвэл АНУ-ын жуулчид 85,5 сая, япончууд 50,9 сая, францууд 41,5 сая, италичууд 39,5 сая, австраличууд 35,3 сая ам.доллар зарцуулжээ. Жуулчид үйлчилгээнд 133,7 сая, цэнгэлдэх, театрын тасалбар бусад арга хэмжээний үнэд 95,5 сая, зочид буудалд 69,3 сая, нислэгийн билетэд 82,9 сая ам.доллар зарцуулсан байна.