Пакистаны цагдаагийн хэдэн ажилтан гэр бүлээс гадуур нөхцсөн гэж буруутгасан эрэгтэй эмэгтэй хоёрыг нүцгэлэн гудамжаар тууж явлаа гэж британийн Би-би-си агентлаг мэдээллээ.

Синд мужийн Гамбат хотод нутгийн иргэн Мумтаз Мирбахарыг  Рамадан сарын үеэр болсон үдэшлэг дээр согтуу байсан талаар нь  удаа дараа гомдол иржээ. Цагдаагийнхан Мирбахарын гэрт нь очиход тэрээр гэр бүл болоогүй эмэгтэйтэй хамт байсан байна. Цагдаагийнхан тэднийг нүцгэн чигээр нь хотын олон иргэдийн өмнүүр тууж явахад иргэд тэдний зургийг гар утсаараа авч байжээ. “Гар утсан дээр авсан зурган дээр цагдаагийнхан нүцгэн эрэгтэйг зодож, эмэгтэй нь хувцас өмсгөөч хэмээн гуйж байгаа нь гарсан байна” гэж Би-би-си мэдээлсэн байна. 

Мирбахарын хөрш нь би-би-си-гийн асуултад хэдийгээр тэр ариун бурхны ёсыг зөрчсөн ч цагдаагийнхан түүнийг ингэж цээрлүүлэх ёсгүй байсан   гэж хэлжээ.

Цагдаагийн тэр ажилтнуудыг мөрдөн шалгаж ажлаас нь халсан байна. Мамтаз Мирбахарыг барьцаагаар суллаж хорьж үлдээсэн байна.