Засгийн газрын цэргүүд болон босогчдын тулалдаан ширүүссэнтэй холбогдуулан НҮБ-ын ажиглагчид Сирийн томоохон хот Алеппог орхиж гарлаа гэж Франс Пресс агентлаг мэдээллээ. Тус хотод Сирийн босогчдын “Сирийн чөлөөт арми” дайчдын эсрэг засгийн газрын цэргүүд томоохон ажиллагаа явуулсаар байна. Тэд энэ ажиллагаандаа байлдааны нисдэг тэрэг, нисэх онгоц ашиглаж байгаа юм байна. Алеппод НҮБ-ын 20 ажиглагч ажиллаж байсан юм. “Аюулгүй байдлын шаардлагаас үүдэн ажиглагчид тус хотыг түр хугацаагаар орхиход хүрлээ” гэж НҮБ-ын энхийг сахиулах газрын төлөөлөгч Жозефин Герреро хэлсэн байна.
Сирид өнөөдөр НҮБ-ын 150 ажиглагч үүрэг гүйцэтгэж байгаа юм.