Дэлхийг тойрон концерт тоглож яваа нэрт дуучин Мадонна Украины нийслэл Киевт тоглохоор бэлтгэл хийж байх үедээ экс Ерөнхий сайд Юлия Тимошенког суллахын төлөө тэмцэхийг үзэгчиддээ захисан гэнэ. Тэрээр “Ерөнхийлөгч байх ёстой эмэгтэй шоронд сууж байгаа нь зөв гэж үү” хэмээн үзэгчдээс асуусан байна. “Тэр ямар нэг зүйл буруу хийсэн гэж үү” хэмээн Мадоннаг асуухад үзэгчид “Үгүй ээ” гэж хариулжээ. Дуучныг “Та нар тэгээд тэмцэхгүй гэж үү” гэж асуухад үзэгчид хариулж амжаагүй байхад өөрөө “Энд зоригтой хүн тийм ч олон биш байгаа бололтой” гэж хариулаад дахиад л “Та нар зоригтой биз дээ” гэхэд хүмүүс “Тийм” гэсэн байна.