Шри Ланк улсын Хиккадово хотноо өнгөрсөн зургадугаар сарын 25-наас долдугаар сарын 2-нд зохиогдсон өсвөрийн шатарчдын Ази тивийн аварга шалгаруулах тэмцээнд Монголын бяцхан шатарчид амжилттай оролцжээ. Уг тэмцээнд өндөр амжилт үзүүлж, алтан медаль хүртсэн тамирчин Е.Төгстөмөрийг хоёр сая төгрөгөөр урамшуулахаар болов. Мөн тэмцээнээс мөнгөн медаль хүртсэн тамирчин Г.Энхчимэгт 1.5 сая, хүрэл медаль хүртсэн тамирчин Ц.Лхагвасүрэн, Г.Учрал, Э.Баасансүрэн, Б.Оюунсувд нарт тус бүр 500 мянган төгрөгийн мөнгөн урамшуулал олгохоор Засгийн газраас шийдвэрлэжээ. Шагналын мөнгийг Засгийн газрын нөөц сангаас гаргах юм байна.