Норвегийн алуурчин Андерс Брейвик Осло хотод бөмбөг дэлбэлж, Утойя аралд галт зэвсгээр буудаж олон хүний амь нас хөнөөх үеэр хууль сахиулах байгууллага алдаа гаргасаны учир тус улсын цагдаагийн газрын  тэргүүн Ойстен Мэланд албан тушаалаасаа огцорсон байна. Энэ хэргийн талаар мөрдөн шалгасан дүнг лхагва гарагт Хуульзүйн сайд Грете Фаремд өгчээ.  Цагдаагийн тэргүүн Мэланд “Хэрэв Хуульзүйн яам, бусад улс төрийн байгууллагууд энэ дүнг зөвшөөрч байгаа бол би албан тушаалаа үргэлжлүүлэн хаших боломжгүй болно” гэсэн байна. Мөрдөн шалгасан комисс нийслэл хотод болон Утойя арал дээр Бревикийн хийсэн халдлагыг таслан зогсоох боломжтой байсан гэжээ. Тэр ч байтугай цагдаагийнхан Брейвикийг бүр өмнө нь саатуулах байсан гэсэн байна. Андерс Бревик өнгөрсөн оны долдугаар сарын 22-нд дээрх хоёр халдлагаар 77 хүний амь нас бүрэлгэж 240 хүнийг шархдуулсан юм.