Лондонгийн олимпын наадмын хүрэл медальт У.Мөнх-Эрдэнэ өдгөө 30 настай тул хамгийн сүүлийн олимпдоо тулаанаа хийчихээд ирсэн билээ. Учир нь, сонирхогчийн бокс рингэд гарах ширэн бээлийтнүүдийг 32 насаар хязгаарладаг юм. Цаашид ямар төлөвлөгөөтэй байгаа талаар У.Мөнх-Эрдэнэ гавьяатаас сонирхоход “Би ирэх онд боксын дэлхийн аварга шалгаруулах тэмцээнд оролцох болно. Тэр миний сонирхогчийн боксын хэмжээнд оролцох сүүлчийн тэмцээн. Түүнээс цааш боксоор хичээллэнэ гэвэл мэргэжлийн тамирчин байх төлөвлөгөөтэй байгаа” гэсэн хариулт өглөө.