Хятадууд тив алгасан нисэгч шинэ баллистик пуужин туршсан тухай "Washington free beacon" америкийн засгийн газрын албан тушаалтнуудын илтгэлээс иш татан дурджээ. Df-41 гэсэн тэмдэглэлтэй энэ пуужин нь салдаг цөмийн хошуу бүхий хятадын анхны стратегийн пуужин болох ажээ.

Туршилтыг бүр 7-р сард явуулсан ч тагнуулын мэдээ нь дөнгөж саяхан л ийнхүү олон нийтийн сонорт хүрч байгаа юм байна. Шинэ пуужин нь илүү хөдөлгөөнтэй, илүү оновчтой, илүү холын тусгалтай болохоор цөмийн анхны цохилт өгөх зэвсэг болох боломжтой аж. Хятадын зүгээс америкийн эсрэг пуужингийн довтолгоо хийх эрсдэл энэ мэтээр олон дахин өсөн нэмэгдэж байгаад америкийн арми, тагнуулын албад ихэд түгшиж байна.

Америкийн тагнуулын албад хятадууд шинэ пуужингаа оросын СС-27 хөдөлгөөнт пуужингийн суурин дээр, оросоос худалдан авсан, эсвэл тагнуулууудаа ашиглан хулгайлж авсан оросын технологийг ашиглан бүтээсэн гэж хардаж байна.

Хятадын тал өмнө нь зэвсэглэлдээ аваад байсан арай бага тусгалтай Df-31, Df-31a пуужингуудаа Орос, Энэтхэгийн эсрэг онилсон гэж америкчууд үздэг.  .