Их Британийн угсаа залгамжлах хунтайж Уильям усанд живж, хариугүй амь алдах гэж байсан охиныг аварчээ. Хунтайж Уильям Их Британийн Нисэх хүчинд хайгуул, аврах албаны нисгэгчээр ажилладаг юм.  Түүнийг үүргээ гүйцэтгэж байх үед хүн усанд живсэн тухай дуудлага ирж, хунтайж өөрийн багийнхантай хамт“Далайн хаан” хэмээх нисдэг тэргээрээ ослын газар руу нэг минут хүрэхгүй хугацаанд хүрч очжээ. Тэд Уэльсийн хойд хэсгийн далайн эрэг орчимд осолдоод байсан охиныг найзынх нь хамт аварсан байна. Хунтайжийн амийг нь аварсан охин 16 настай, далайд найзтайгаа хамт сэлж яваад осолдсон аж.  
Хунтайж Уильям Уэльсийн Англисей аралд амьдрах болсноос хойш Уэльсийн нисэх хүчний аврах албанд хүчин зүтгэж байгаа юм.