ХБНГУ-ын канцлер Ангела Меркелийн Молдавт хийх айлчлалд зориулан нисэх буудлаас хот руу явах замын дэргэдүүр хиймэл зүлэг дэвсчээ. Гэтэл даваа гарагийн шөнө нэгэн этгээд 20 метрийг нь хулгайлсан байна. Алга болсон хиймэл зүлгийн үнэ 800 леев юм байна.
Германы канцлер Меркель Молдав улсад анх удаа айлчилж байгаа болохоор тус улсын Засгийн газар айлчлалд өндөр хэмжээнд бэлтгэж нийтийн тээврийн маршрутыг өөрчлөн, авто зам дээрх ус зайлуулах хоолойн таглааг бүрдүүлэх зэрэг олон ажил хийж байгаа юм. Канцлерийн хэлэх үгийг нийтэд сонсгохын тулд Төрийн ордны гадаа том дэлгэц хүртэл байрлуулжээ.