ОХУ-ын Ленинград мужийн дээгүүр нисч явсан хөнгөн моторт “Cessna-421” онгоц эвдэрч Ломоносовын районы Аннино тосгоны хүүхдийн цэцэрлэгийн тоглоомын талбайд унасан байна. Азаар энэ үеэр цэцэрлэг эхлээгүй хаалттай байжээ. Харин онгоцонд явсан хоёр хүн амь үрэгдсэн байна. Онгоцонд ямар хүмүүс явсныг мэдээлээгүй ч  онгоц "ИнтерТрансАвиа" компанийн эзэмшлийнх гэдгийг тогтоожээ. Хууль хяналтын байгууллага хэргийг мөрдөн шалгаж эхэлсэн байна.