Ази тивийн сагсан бөмбөгийн залуучуудын аварга шалгаруулах тэмцээн Улаанбаатар хотноо амжилттай үргэлжилж байна. Энэ сарын 17-нд эхэлсэн тус тэмцээний эхний хоёр хэсгийн тоглолтууд өчигдөр өндөрлөж, финалын шатанд өрсөлдөх найман багийн нэр тодорлоо. Тайвань, БНХАУ, БНСУ, Япон, Саудын Араб, Филиппин, Ливан, Ираны багууд сүүлийн шатанд хүч үзэх нь. Харин Сири, Бахрейн, Энэтхэг, Индонезийн баг хоёрдугаар хэсгийн тоглолтын дараа хасагдсан бөгөөд маргааш 9-12 дугаар байрны төлөө тоглохоор боллоо.
Тэмцээний аваргууд  энэ сарын 26-нд  тодроно.