Хятадын Гуандунд мужаас Өвөрмонгол хүртэл үргэлжилдэг Баотоу-Маомин зам дээр хүн тээврийн автобус шатдаг хий тээвэрлэж явсан ачааны машинтай мөргөлджээ. Машинууд мөргөлдсөн даруйдаа шатсан байна. Хэргийн газар ирсэн аврагчид 36 цогцсыг түймрээс гаргажээ. Гурван хүн амьд гарсан бөгөөд тэднийг эмнэлэгт хүргэсэн байна. Автобусанд гадаадын иргэд явсан эсэх талаар одоогоор мэдээлэл байхгүй байна.
Хятад авто осолд амь үрэгдэгсдийн тоогоор дэлхийд дээгүүрт ордог улс. Өнгөрсөн жилд гэхэд л Хятадад, авто ослын улмаас 62 мянган хүн амиа алджээ.