АНУ-ын Флорида мужийн өмнөд хэсгээр амьдардаг оршин суугчид Исаак нэртэй хар салхинаас дайжин, орон гэрээ орхиж байна. 105 километр цагийн хурдтай хар салхи Флорида Кий болон Луйзана, Миссиссиппи, Алабама руу ойртон ирж яваа бөгөөд Флорида мужийн хэмжээнд онц байдал зарлаад байгаа юм. Хар салхи маргааш Флоридагаас Луйзана хүрэх замдаа хүчээ нэмж, хоёрдугаар зэрэглэлийн хэмжээнд хүрнэ гэж орон нутгийн зүгээс оршин суугчдад анхааруулж байна. Энэ нь 170 километр цаг хүртэл нэмэгдэх аюултай гэсэн үг юм. Хар салхи хараахан эрэгт хүрээгүй байгаа ч Флорида орчимд аль хэдийнэ бороо орж, хүчтэй салхилж эхэлсэн байна. Үүний улмаас мужийн хэмжээнд олон зуун нислэг цуцлагдаж, зарим газар тог цахилгаангүй болжээ.