Өмнөд Солонгосын амралт сувиллын Чежү арлын эрэг орчимд өчигдөр”Болавен” хар салхины үеэр Хятадын загас агнуурын хоёр хөлөг  живж багийн 34 гишүүний 31 нь сураггүй алга болоод байгаа тухай Согвипхо хотын эргийн хамгаалалтын алба мэдээлсэн байна. Хоёр хөлөг Согвипхо хотоос 1,8 км зайд хүчтэй давалгаанд цохигдож хөрвөсний дараа багийн хоёр гишүүн эрэг хүртэл сэлж ослын тухай хэл дуулгасан байна. Тэднийг эмнэлэгт хүргэсний дараа дахин нэг загасчныг аварсан боловч бусад нь одоо болтол сураггүй байна.