Хакерууд Киргизийн засгийн газрын албан ёсны сайтад халдсан хэрэг гарсан байна. Мягмар гарагийн өглөө Киргизийн сайд нарын танхимын сайтын гол хуудсан дээр араб хэл дээрх бичлэг, олон нийтийн эмх замбараагүй байдлыг харуулсан дүрс бичлэг оруулсан байжээ. Хэргийн эзэд өөрсдийгөө хакерын Group Hp-Hack групп гэж нэрлэсэн байна. Шинжээчдийн үзэж байгаагаар бол хакерын халдлага Саудын Арабас ирсэн юм байна. Одоо сайтыг түр хаагаад байна. Холбогдох арга хэмжээ авсны дараа сайтын ажиллагааг сэргээнэ гэжээ.