Оросын агаарын тээврийн “Аэрофлот” компани Брюссель-Москвагийн нислэгээ сурталчилж “Оростой танилц” гэсэн плакат хэвлүүлэн Белгийн нийслэлийн олны хөлийн газар, метроны хананд олноор нь байрлуулжээ. Москвагийн Кремлийг агаараас авсан энэ зураг дээр Москва голын эрэг дагуух замаар цэргийн техникүүд, тэр дундаа байлдааны цэнэгт хошуутай тив хоорондын балластик пуужин явж байгаа нь тод харагдсан нь белгичүүдийг айлгахад хүрсэн байна. Зургийг жил бүр болдог тавдугаар сарын 9-ний парадын үеэр авсан бололтой. Белгичүүд үүнд дургүйцэж зурагт хуудсуудаа авахыг шаардсан байна. Метрогоор зорчигчдын нэг  31 настай Реми Мертенс гэдэг залуу  сонинд сэтгэгдлээ бичихдээ “Үүнийг зүгээр өнгөрүүлж болохгүй. Энэ пуужингууд маш тод харагдаж байна. Тэгэхээр энэ бол алдаа биш. Метрогоор зорчиж байгаа хүн бүр л үүнийг харж байгаа шүү дээ” гэсэн байна.