Өчигдөр Монголын Үндэсний Олимпийн Хороон дээр Ерөнхийлөгчийн дэргэдэх орон тооны бус Эрдэмтдийн зөвлөл хуралдаж, Монгол улс дахь олимпийн хөдөлгөөний бодлого, шинэчлэл, хөгжлийн асуудлыг хэлэлцлээ. Эрдэмтдийн зөвлөл МҮОХ-ны Ерөнхийлөгчийн бүрэн эрхийн хүрээнд түүнд зөвлөх, санал, хүсэлт гаргах зорилго бүхий Ажлын хэсэг бөгөөд өчигдөр гурван зүйл дээр санал бодлоо солилцсон юм.

Тэд МҮОХ-ны Ерөнхийлөгч Н.Түвшинбаярын хэрэгжүүлэхээр төлөвлөж буй Спорт-Олимпизмын шинэ эрин төсөлийн танилцуулгатай танилцан Тамирчны дараах карьерийг дэмжих хөтөлбөр, Эрдэмтдийн зөвлөлийн ажлын төлөвлөгөөний талаар санал солилцож, халуун яриануудыг өрнүүллээ.