Испанид орон сууцны үнэ эрс өссөнтэй холбоотойгоор өнгөрсөн долоо хоногт орон даяар жагсаал өрнөн, жагсагчид Мадридын төвд байрлан эсэргүүцлээ илэрхийлсний дараа Засгийн газар нь орон сууцны зохицуулалтаа шинэчлэхээр боллоо.

Тус багц арга хэмжээний хүрээнд компаниуд ашиг олох зорилгоор орон сууц худалдан авахыг хориглох, одоогийн түрээсийн гэрээнүүдийг хоёр жилээр заавал сунгах зэрэг заалтыг тусгасан байна. Мөн жуулчдад зориулсан түрээсийн орон сууцны татварыг нэмэгдүүлэх, эмзэг бүлгийн иргэдийг албадан гаргахыг цаашид хязгаарлах зэрэг багтжээ. Багц арга хэмжээг энэ долоо хоногийн баасан гарагт Парламентаар батлах шаардлагатай боловч Испанийн Ерөнхий сайд Педро Санчесийн Засгийн газар Парламентад олонхын суудалгүй байгаа нь сорилт болохоор байна. Сүүлийн нэг жилд Испанид орон сууц худалдан авах үнэ 12.8 хувиар өсөөд буй нь Европын Холбооны 5.1 хувийн дунджаас ч давж эрчимжсэн үзүүлэлт юм.

эх сурвалж: https://bloombergtv.mn/news/muoxp5