Найман жилийн өмнө Азербайжаны нэг офицер өөийн коллеги Армяны офицерийн амийг хөнөөснийхөө төлөө Унгарт баривчлагдаж шүүхээс ял сонссон юм байна. Будапештэд англи хэлний курст сууж байсан Азербайжаны армийн офицер Рамиль Сафаров, Армений ахлах дэслэгч Гурген Маркаряныг унтаж байхад нь сүхээр цохиж алсан юм байна. Унгарын эрх баригчид яллагдсан офицерийг эх оронд нь шилжүүлэн өгсний дараа  Азербайжаны Ерөнхийлөгч түүнийг өршөөжээ. Армяны тал үүнийг эсэргүүцэж,  Унгарыг Азербайжантай хуйвалдсан хэмээн буруутгаж, дипломат харилцаагаа тасалжээ.