Сирийн босогчдын томоохон хүчний нэг Сирийн чөлөөт армийн дайчид өнөөдөр Дамаск болон Алеппо хотуудын иргэний агаарын байгууламжуудад цохилт өгнө гэж мэдэгдлээ. Тэд засгийн газар Орос, Ирак, Иран, Ливанаас оруулж ирсэн зэр зэвсэг, онгоцыг байршуулахад иргэний авиа компаниудыг ашиглаж байна гэж буруутгасан байна. Иргэний нисэх байгууламжуудыг цэргийн зориулалтаар ашиглаж байгаа талаар босогчдын төлөөлөгч Лондонд хэвлэгддэг “Аш-Шарк аль-Аусат” сонинд өгсөн ярилцлагадаа бас дурджээ.
Иргэний  нисэхийн олон компани ихэнх нислэгийн тоогоо цөөлж зарим нь бүр нислэгээ зогсоогоод байгаа юм. Өнгөрсөн сарын сүүлчээр Арабын эмиратын Etihad Airways компани нислэгээ зогсоосон бол долдугаар сард Royal Jordanian Airlines компани нислэгээ цуцалсан юм. Эд бүгд тус орны дотоодын нөхцөл байдлаас болж аюулгүй байдлаа хангах үүднээс ийм шийдэлд хүрч байгаагаа хэлж байгаа юм.