Америкийн сансар судлалын НАСА агентлаг “Армагеддон” кинон дээр гардаг жүжигчин Брюс Уиллисийн  түүхэн гавьяаг давтахаар бэлтгэж байна. Эндэхийн лабораторт сүүлт од дээр буух хөлөг угсарч байгаа юм. Тэдний гол зорилго нь манай дэлхийтэй мөргөлдөж болзошгүй байгаа сүүлт одны таяг тойрууг өөрчлөх явдал юм. Сансрын нисэгчид нь одоохондоо тэнд яаж ажиллах бэлтгэл сургуулилт хийж байгаа юм байна. “Энэ хөлөг дээр би сансрын биет дээр  хэрхэн ажиллах, тэндээс яаж дээж авах сургуулилт хийж байна” гэж туршилтад оролцогсдын нэг нь хэлжээ.  Ерөнхийлөгч Барак Обамагийн үүрэгдсэнээр бол 2025 он гэхэд сүүлт одон дээр сансрын хөлөг буух гэнэ. “Армегоддон” кинон дээр Брюс Уиллис буухдаа түүнийг дэлхийтэй мөргөлдүүлэхгүйн тулд дэлбэлж жижиглэн устгадаг. Гэхдээ эндээс энэ жижиг хэсгүүд нь бас аюултай шүү дээ гэсэн асуулт гарч ирж байна” хэмээн төслийн менежэр НАСА-гийн сансрын нисэгч Майкл Кернхарт хэлж байна.


АНУ-ын Лейчестерийн их сургуулийн оюутнууд болохоор Армегоддон кинон дээрх Брюс Уиллисийн гавьяаг амьдрал дээр давтах ямар ч боломжгүй гэсэн байна. Ухаандаа Брюссийн гавьяаг давтахад хамгийн багадаа л 800 их наяд теражоулын хүчтэй тэсрэх бодис хэрэгтэй гэнэ. Гэтэл манай дэлхий дээр байгаа тэсрэх бодисын хамгийн том нь оросын “хаан-бөмбөг” гэж нэрийдсэн 50 мегатоннын бөмбөг нь ердөө л 418 мянган теражоул хүчтэй юм байна. Энэ нь шаардлагатай хүчнээс хоёр тэрбум дахин бага гэсэн үг гэнэ. Харин Майкл Кернхартынхаар бол сүүлт одон дээр буух аппарат бол хэдийнээ бэлэн болсон гэнэ. Аппаратын дотор тал нь бол ердөө л иргэний нисэхийн нисэгчдйин бэлтгэл сургуулилт хийдэг кабинтай төстэй, сансрын нисэгчдйин нь хувцасыг одоо хийж байгаа аж.