АНУ-ын Лас Вегас хотод шоудах үеэрээ нүцгэлсэн нь интернэтээр тарж дуулиан тарьсан ханхүү Харри компьютер тоглоомын баатар болжээ. Нидерландын  компьютер тоглоом бүтээгчид ханхүүг нүцгэлж олны доог болохоос хамгаалах тоглоом хийснээ сайтад байрлуулжээ. Тоглоомын зорилго нь нүцгэн ханхүүг зочид буудлаас гаргах гэнэ. Фото аппарат барьсан охид ханхүүд ойртож очих гэхэд буудлын ажилтнууд, Харригийн аав Чарльз нар хамгаалж, гартаа барьсан зүйлсээр ханхүүгийн нууц газруудыг халхлах ёстой юм байна.
Хатан хааны гэр бүлийн гишүүн бильярдын үдэшлэгийн үеэр нүцгэлж дуулиан тариад байгаа юм. Гэвч Английн жирийн иргэд, цэрэг дайчид хан хүүг дэмжиж байгаагаа илэрхийлэн нүцгэн зургаа интернэтэд байрлуулах болжээ.