Зорчигчдын эрхийг зөрчсөн хэмээж оросын иргэний нисэхийн “Аэрофлот” компанийг АНУ-ын Тээврийн яам 60 мянган ам.доллараар торгосон байна. “Аэрофлот” компани тасалбар  урьдчилан бичихдээ  рекламанд заасан үнээ баримтлаагүй, зорчигч авсан билетээ нэг хоногийн дотор ямар ч нэмэлт төлбөргүйгээр авсан үнээрээ буцааж өгөх эрхийг зөрчсөн юм байна. Энэ дүрмийг АНУ-ын тээврийн яам 2012 оны нэгдүгээр сард баталсан юм. Энэ дүрэм зөвхөн америкийн төдийгүй бусад орнуудын агаарын тээврийн компаниуд, олон улсын тасалбар худалдааны агентлагуудад ч нэгэн адил үйлчлэх ёстой юм байна.
АНУ-ын Тээврийн яамны мэдээлснээр “Аэрофлот”-ын сайтад нислэгийн тасалбарын үнийг бүтнээр нь бичээгүй, татвар хураамж нь тусдаа, нийлбэр дүнг нь хуудасны бүүр дор бичсэн байжээ.