Унгарын Ерөнхий сайд Виктор Орбан Олон улсын валютын сангийн зээлийн нөхцлийг хүлээн зөвшөөрөхгүй гэдгээ мэдэгджээ. Тус улс ОУВС-гаас 15 тэрбум ам.долларын зээл авахын тулд тэтгэвэрийн хэмжээг бууруулж, банкуудын татварыг багасгах  гэх мэтийн арга хэмжээ авах шаардлага тавьсан байна. Гэвч Засгийн газрын тэргүүн үүнийг Унгарын ашиг сонирхолд огт нийцэхгүй гэж үзэж байгаагаа “Facebook” хуудсаараа мэдэгдээд ОУВС-д хэлэлцээр хийх өөр санал гаргана гэжээ. Санхүүгийн хямралд орчихоод байгаа Унгар улс өмнө нь 20 тэрбум еврогийн зээл ОУВС-гаас авсан бөгөөд нэмж 15 тэрбумыг зээлэх хүсэлт гаргасан юм. Гэвч зээлийн нөхцөл дээр хоёр тал санал нийлэхгүй байгаагаас энэ тухай хэлэлцээр бүтэлгүйтэж, хойшилсоор байгаа юм.