Оросын НТВ телевизийн “Максимум” хөтөлбөрийн зургийн группын сэтгүүлч, операторыг Волгоград хотын цагдаагийнхан саатуулсан байна. “Өдрийн 14.30-д цагдаагийн газарт хотын мал эмнэлгийн газраас видео камертай хоёр эрэгтэй шуудайтай юм үүрээд явж байснаа тэндээсээ гахайн торой гаргаж тавиад зургийг нь авч байна гэсэн дуудлага ирсэн” гэж орон нутгийн цагдаагийн төлөөлөгч хэлжээ.
Телевизийнхэн уг нь Африкт гараад байгаа гахайн тахлын тухай сурвалжлага  бэлтгэхээр тэнд очсон юм байна. Орон нутгийн мал эмнэлгийн дарга Галина Аликовагаас ч ярилцлага авна гэжээ. Гэхдээ гахайн торойг шуудайнд хийж зөөн зураг авсан нь цагдаагийнхаар бол  жижгээр танхайрсан, мал амьтныг тээвэрлэх мал эмнэлгийн дүрэм зөрчсөн болж таарч байгаа юм.