УОК-ын ээлжит хуралдаан өчигдөр болж ЭМЯ-наас коронавируст халдварт цар тахлын дэгдэлт өндөр, иргэдийн өвчлөл, нас баралт буурахгүй, мутацлагдсан вирус тархах эрсдэл байгаа зэргийг харгалзан цахимаар зохион байгуулахаар төлөвлөсөн Үндэсний их баяр наадмыг цуцлах эс бөгөөс хойшлуулах шаардлага тавьж, санал гаргасныг хэлэлцээд дэмжсэн билээ. Тэгвэл УОК-ын хуралдааны шийдвэрийг Монгол Улсын Засгийн газрын ээлжит бус хуралдаанд танилцуулж эцэслэн шийдвэрлэлээ. Тодруулбал, Улсын баяр наадмыг ирэх жилийн наадам хүртэл хойшлуулах шийдвэрийг гаргасан байна. Мөн ес хоног амрах шийдвэрийг хэвээр нь үлдээжээ.