Кубын нийслэл Гавана болон Пинар-дель-Рио, Артемис, Майабек, Матансас зэрэг хэд хэдэн мужид ням гарагийн орой гэрэл цахилгаан тасарсан байна.  Энэ нь Кубын өмнөд нутагт байдаг Сьенфуэгос хот дахь цахилгаан станцад осол гарснаас болжээ. Тус улсын Засгийн газар, цахилгаан станцынхан албан ёсны тайлбар өгөхөөс татгалзсан байна. Кубад ингэж цахилгаан хангамж бөөнөөр тасалдаж байсан явдал өнгөрсөн зууны 90-ээд онд л эдийн засгийн хямралаас болон гарч байжээ. Одоо бол янз бүрийн шалтгаанаар цахилгаан тасардаг ч ингэж өргөн хүрээг хамран тасарч байгаагүй юм.