Японы санхүүгийн системийн төрийн сайд, шуудангийн албаны сайдын албан тушаалыг хавсран хашч байсан Тадахиро Мацушитаг Токио дахь албан байрандаа дүүжлүүлэн нас барсан байхыг олжээ. Сайдын эхнэр нь түүнийг ийм таагүй байдлаар нас барсан байхыг анх олсон аж. Нас барахад хүргэсэн шалтгааныг албан ёсоор зарлаагүй ч амиа егүүтгэсэн байх магадлал хамгийн өндөр гэж цагдаа нар таамаглаж байна. Мацушита нь Ардын шинэ гварди намын гишүүн байсан бөгөөд урьд нь нийгмийн даатгал татварын системийг шинэчлэх яам, сансар судлал ба шинжлэх ухааны техникийн төрийн яам зэргийг тэргүүлж байжээ.
 Үүнээс өмнө Японы хөдөө аж ахуйн сайд байсан Тошикацу Мацуока нь 2007 онд амиа хорлож байжээ. Түүнийг улс төрийн зорилгоор хэд хэдэн компаниас авсан хандивын талаар албан ёсоор тайлбар тавихыг парламентын санхүүгийн хороо шаардсаны дараа ийнхүү амиа хорлосон байдаг.