Боловсрол, шинжлэх ухааны сайд Л.Энх-Амгалан нийслэл, дүүргийн боловсролын газрын удирдлагуудтай уулзлаа. Боловсролын удирдлагыг анхан шатанд хэрэгжүүлж байгаа хүмүүс тулгамдаж байгаа асуудлуудыг дараах байдлаар нэрлэж байна.

Аймаг, нийслэл, дүүргийн боловсролын хэлтсийн бүтэц, орон тоог эргэж харах. 2008 онд баталсан бүтцээр өнөөдрийг хүртэл ажиллаж байна. Гэтэл тухайн үеийн сургууль цэцэрлэг, суралцагчийн тоог өнөөдрийнхтэй харьцуулах боломжгүй юм гэв. 
Сургууль, цэцэрлэгүүдийг удирдлагаар хангаж, чиглүүлэх ёстой байгууллагынх нь мэргэжилтнүүд 650 мянган төгрөгийн цалинтай байгаа тогтвортой ажиллах боломжийг бууруулж байна. Сургууль, цэцэрлэгийн багш нарыг компьютержуулах шаардлагатай. Мөн нэг багшид оногдох хүүхдийн тоог цөөлөх нь сурлагын чанарыг ахиулах гарц, боловсролын хэлтсийн мэргэжилтнүүдийг чадавхжуулах, хөрөнгө оруулалт жил дамнадаг байдлыг халах, боловсролын салбарт нэг аж ахуйн нэгж олон тендэр зэрэг авах нь бүтээмжийг бууруулж олон жил дамнах үндэс болж байгааг хэллээ. 

Түүнчлэн орон сууны шинэ хорооллууд зураг төсөлдөө сургууль, цэцэрлэг байгуулна гэж оруулдаг ч ашиглалтад ороход хасагдсан байдаг, эрэгтэй багш нарыг бэлтгэх, боловсролын салбарын жендэрийн асуудалд анхаарал хандуулахыг хүслээ. 

Эх сурвалж: БШУЯ