АНУ-ын Чикаго хотын багш нарын үйлдвэрчний эвлэлд нэгддэг 26 мянган багш ажил хаялаа. Тэд хөдөлмөрлөх нөхцлөө сайжруулах, сурагчдыг үнэлэх тогтолцоог сайжруулах, хөдөлмөрийн хөлсийг нэмэгдүүлэх шаардлага тавьж байна. Багш нар ийнхүү ажил хаяснаар 400 мянга орчим сурагч хичээлгүй хоцорч байна. Ажил хаяж эхлэхээс хэдхэн минутын өмнө орон нутгийн эрх баригчид хөдөлмөрийн хөлсийг дөрвөн жилийн хугацаанд 16 хувь нэмэгдүүлэх санал тавьсан боловч бусад хоёр асуудлыг нь хэрхэн шийдэх асуудал нээлттэй үлдсэн байна.
Багш нар ийнхүү ажил хаясан нь тус хотод сүүлийн 25 жилд анх удаа болж байгаа юм. ИТАР-ТАСС-ын мэдээлснээр чикагогийн багш нар жилд 70 орчим мянган долларын цалин авдаг юм байна.