Зориг сан, Швейцарийн хөгжлийн агентлагтай хамтран дотоодын их, дээд сургуулиудад бакалаврын сургалтад амжилттай суралцаж буй оюутнуудыг дэмжих зорилгоор 2012-2013 оны хичээлийн жилийн тэтгэлэгт хөтөлбөрүүдээ  зарлажээ. Энэ удаад оюутнуудаа шалгаруулахдаа орон нутгийн буюу хот суурин газар шилжин суурьшсан амьжиргааны төвшин доогуур өрхийн хүүхдүүдийг түлхүү хамруулахаар болсноо мэдэгдсэн байна. Дэлгэрэнгүй мэдээллийг тус сангийн сайтаас авч болох бөгөөд тэтгэлэгт хамрагдах хүсэлтэй оюутнуудын материалыг ирэх сарын 3-наас хүлээн авах юм байна.