Зайсан толгой, Богд уулын амыг ухаж сүйтгэж буйд олон хүн дургүйцлээ илэрхийлж байна. Хэн гэдэг эрх мэдэлтэн энэхүү газрыг өгсөн талаар олон янзын таамаг дэвшүүлэн ярьж буй. “Хотын даргыг ажлаа муу хийсний гор” хэмээн сошиал орчинд буруутгаж буй ч зөвшөөрөл нь БОАЖЯ-аар дамжин гардаг талаар Д.Сумъяабазарын хэвлэлийн төлөөлөгч Н.Сугар цахим хуудсаараа дамжуулан мэдэгдлээ.

Тэрбээр “БОАЖ-ын 2019 оны А-158 дугаар тушаалаар иргэн О.Одсүрэнд 2.041га газар олгосон байна. Зочид буудал аялал жуулчлалын зориулалттай. Гэхдээ Нийслэлээс барилгын ажил эхлүүлэх зөвшөөрөл олгоогүй. Газар дээр нь очиж шаардлага тавин ажиллаж байна” гэжээ.